Makuini Thrupp

Kaiako: Ruma 3 - Rumaki Tau 2/3

B.MEd

Iwi: Ngāi Tūhoe

Years teaching: 1 (Beginning Teacher)

Hiki nuku hiki rangi ki te tautara o Parekohe he maunga tū tonu e

Tauheke atu ki Ohinemataroa te wai kaukau o ngā mātua tipuna

Kia tū tangata whenua ahau ki tōku marae ko Waikirikiri

Kia nōhia taku whare tipuna Toi-kai-rākau tū tonu, tū tonu

Te tari o te ora Kura-i-mōnoa tēna koe

Hāmua taku mana, taku ihi

Mātaatua Tawharautia

Tūhoe moumou kai, mōumou taonga, mōumou tangata ki te pō

Tēna tātau, ko Makuini Thrupp ahau, i pakeke mai au i te whārua o Ruatoki.

Koinei taku tau tuatahi hei kura māhita ki kōnei ki Te Teko. Ko au te kaiako mō ngā tau 2 o te taha rūmaki. Heoi anō ēhara au i te tangata tauhou ki tēnei kura, i ngā tau e toru kua pahure nōku te waimarie i whakāe te kura nei kia kuhu mai au ki te whakaoti i taku tohu ako paetahi. Mai reira i tū ahau hai kairīwhi, kātahi i riro i ahau te tūnga kaiako mō ngā Tau 2.

Ko tōku hiahia mō tēnei tau me ngā tau kei mua i ahau, he whāngai i tō tātau reo rangatira ki o tātau tamariki, mokopuna ia rā, ia ra, kia tū maia ai rātau pēra ki tō rātau maunga ā Putauaki, kia rere ai te kupu kōrero pēra ki tō rātau awa ā Rangitaiki, ko te reo Māori te tūapapa mō ngā mahi katoa e mahia ana e tātau - ahakoa te kaupapa.

“Ko te reo kia rere, ko te reo kia Māori”